Kohët e fundit kemi lexuar shumë artikujt nga media ndërkombëtare prestigjioze për rritjen e prezencës së Rusisë në Ballkanin Perëndimor dhe shpesh herë kemi parë reagime të ndryshme për vërtetësinë apo të këtyre lajmeve.
Mirëpo një studim i Qendrës së Studimeve Gjeopolitike Ndërkombëtare dhe shkrimit të profesorit amerikan DevInjatus del në pah së Shërbimet sekrete ruse (SVR) dhe shërbimi i Ushtrisë (GRU) kanë ndërtuar strategji të sofistikuara të luftës mediatike.
Përmendet në studim jo pa rëndësi projekti i ashtuquajtur “NEW-Alb-TransfertMedia Contract”, për të ndikuar në opinione publike përmes blerjes dhe përdorimi të mediave.
Flasim për shifra që shkojnë nga 1 euro në e 1 milion e 400 mijë euro.
Shtimi i numrit të “atasheve kulturorë”, “atashevetregtarë”, pranë përfaqësive diplomatike si qëllim krijimin e kushteve për hapjen e një qendre të njëjtë homologe të NISHI-it të Serbisë.
Transmetohen filma-dokumentare të prodhuara nga autoritet ruse të cilat kanë si qëllim rritjen e influencës ruse në Ballkan.
Ndërsa përdorimi i gazetës tashmë për mbarë opinionin publik shqiptar dhe 3 portalet online po përdoren që prej vitit 2015 për shpërndarjen e materialeve të prodhuara nga Qendra e Emergjencave Civile në NIS të Serbisë dhe nga një Qendër në Sofje të Bullgarisë.
Objektivi kryesor i marrëveshjes nuk është thjesht përdorimi i medias për qëllime të Moskës por ajo rezulton të ketë një objektiv madhor: Kapjen e mediave dhe realizimin e shantazheve kundrejt konkurrencës së lirë me synimin e krijimit të kushteve për t’i falimentuar brenda 2 vjeçarit 2017-2019.
Nga analiza e përdorimit të mediave rezulton se që në vendet perëndimore i kushtohet një rëndësi e madhe përdorimit të mediave dhe lirisë së shtypit nga ana e Rusisë, me qëllimin e realizimit të interesave te saj në këto shtete. Dy rastet më flagrante kanë qenë zgjedhjet e fundit presidenciale, të mbajtura në Shtetet e Bashkuara të Amerikës dhe në Francë.
Në të dyja rastet, furtunat mediatike filluan pas hakerimit të informacioneve konfidenciale, nga ana e shërbimeve të inteligjencës ruse, të Partisë Demokratike në SHBA dhe të Emmanuel Macron, kandidatit për president në Francë.
Bombardimi i përditshëm i publikut nga media të financuara nga Moska, për të influencuar votën e tyre në favor të kandidatëve të preferuar të saj, ishte aq i madh sa që presidenti francez i sapo zgjedhur Macron, në një konferencë për shtyp me presidentin rus Putin, akuzoi televizionin ‘‘Russia Today’’ dhe agjencinë e lajmeve Sputnik si “agjent influence dhe propagande që shpërndanin lajme të rreme për të”..
Fushata mediatike që Moska ka filluar është e përqendruar te opinioni publik dhe perceptimi i tyre se Shtetet e Bashkuara kanë një farë tërheqje nga angazhimi i tyre në rajon dhe BE ndodhet në krizë identiteti.
Synimi, qartazi, është ofrimi për shqiptarët i një modeli tjetër nga ai perëndimor, dhe përshkrimin e Rusisë si një fuqi benjine që i është rikthyer lavdisë së dikurshme./Zhurnal.mk
