Thomas Strakosha është duke kaluar një moment mjaft të mirë me Lazion. Edhe sezoni që lamë pas ishte fantastik për gardianin kuqezi dhe për këtë arsye ai është drejtuar në presidencë për të kërkuar përmirësimin e termave financiar. Strakosha bashkë fantazistin spanjoll, Luis Alberto, kanë shkuar në zyrën e presidentit, Claudio Lotitto.
Por ky i fundit nuk i ka pritur aspak mirë dhe ka shpërthyer në bërtitura ndaj tyre. “Ju mposhti Interi në ndeshjen e fundit dhe vini këtu për të kërkuar më shumë para”, mësohet të ketë thënë presidenti, në përballjen me dy futbollistët e skuadrës së tij, duke iu referuar ndeshjes së fundit të kampionatit, më 20 maj.
Në atë takim Lazio u mposht me përmbysje 2-3 nga Interi, duke mbetur jashtë zonës Champions dhe normalist duke arkëtuar shumë më pak para, gjë që duket se Lotitto vijon ta vuajë, ndonëse kanë kaluar disa muaj.
Mediat pranë klubit bardhekaltër raportojnë se vetëm Ciro Immobile dhe Sergei Milinkoviç-Saviç kanë arritur të rinovojnë pa polemika kontratat e tyre me klubin e Lazios, duke qenë se janë dy liderët dhe protagonistët e suksesit të skuadrës.
