Thomas Strakosha nuk është i pranishëm në grumbullimin e kombëtares shqiptare, pasi vuan një dëmtim të marrë në ndeshjet e fundit në Serie A. Gardiani i Lacios është kthyer në një nga portierët më të mirë në Itali dhe së fundmi nuk kanë munguar edhe ofertat për të nga gjigantët europianë.
Në një intervistë për “RTSH Sport”, Strakosha i është rikthyer Kombëtares, duke komentuar ndryshimet mes De Biasit dhe Panuccit. Kështu, gardiani shqiptar shprehet se nuk duhet harruar se Europiani i parë i Shqipërisë ka ardhur nga De Biasi, ndërsa për Panuccin shprehet se lojtarët duhet të sillet si ushtarë me të.
“De Biasi ka bërë historinë e tij me kombëtaren shqiptare. Ne Europianin e parë që zhvilluam, e kemi bërë me De Biasin. Gjithashtu ky trajner besoi në debutimin tim. Tashmë Panucci e ka edhe më të vështirë, pasi kanë ardhur shumë lojtarë të rinj dhe mund të them se e nisim nga 0.
E kam parë shumë pak Panuccin deri në këtë moment, por lojtarët duhet të sillen si ushtarë me të. Me De Biasin e kishim më të lehtë kur stërviteshim”, ka thënë Strakosha.
