Sekretari i përgjithshëm i NATO-s Jens Stoltenberg tha sot se transformimi i Forcës së Sigurisë së Kosovës në Forcë të Armatosur duhet të bëhet sipas Kushtetutës.
Në një prononcim për gazetaren e News 24, Aurora Golemi, Stoltenberg shprehet se NATO është në Kosovë për ta ndihmuar dhe për të krijuar stabilitet.
“NATO është në Kosovë për ta ndihmuar dhe për të krijuar stabilitet. Ne jemi në Kosovë prej shumë vitesh”, tha Stoltenberg.
Ndërkohë, kryeministri Ramush Haradinaj ka refuzuar të japë një afate se kur do të ndodh transformimi i FSK-së në Ushtri të Kosovës, të cilin po e presin prej disa vitesh qytetarët e Kosovës.
