Sekretari i përgjithshëm i NATO-s Jens Stoltenberg,do të vizitojë shtetin e Maqedonisë gjatë këtij muaji, përkatësisht në datat 17 dhe 18 janar. Në ditën e dytë të qëndrimin në Maqedoni është parashikuar në axhendë, që sekretari Stoltenberg të mbajë një fjalim në kuvendin e Maqedonisë.
“Pritet që sekretari i përgjithshëm i Aleancës të takohet me presidentin Gjorge Ivanov, me kryeministrin Zoran Zaev, me liderin e opozitës Hristijan Mickovski, si dhe me ministrin e Punëve të Jashtme Nikolla Dimitrov dhe me ministren e Mbrojtjes Radmilla Shekerinska”-shkruan Alsat.
Vizita e Stoltenberg, vjen në kuadër të intensifikimit të aktiviteteve për zgjidhjen e problemit ne kontekstin grek të emrit të Maqedonisë, e cila është kthyer në një pengesë për integrim në strukturat euroatlantike.
Ndërsa në 19 janar është parashikuar që në Nju Jork të mbahet një takim tjetër me mes ndërmjetësuesit Methju Nimic në zgjidhjen e çështjes së emrit mes Maqedonisë dhe Greqisë një plagë, që ka bllokuar shtetin fqinjë, në lidhje me anëtarësimet në strukturat evropiane.
