Këngëtari i njohur shqiptar, Stine ka zgjedhur që të ndahet me partneren pikërisht në këtë fundvit.
Lajmin e ka dhënë vet këngëtari, i cili ka postuar një foto të Graciela Pashës, teksa shkruan se gjithçka mes tyre ka marrë fund, pasi nuk funksionoi më.
Çifti së bashku kanë një vajzë 2 vjeçare, të cilën e kanë pagëzuar me emrin Estia.
“Edhe pse fundvit, gjej lartësinë shpirtërore për të falënderuar çdo moment të bukur dhe të vështirë të kaluar së bashku! Kam bindjen e plotë se do funksionojmë më mirë pa njëri-tjetrin! E kemi patur fatin dhe mundësinë me mijëra herë për të kaluar barrierat e jetës, por ndonjëherë gjërat nuk shkojnë ashtu siç ne i mendojmë! Kështu që nuk mbetet tjetër, veçse të të uroj çdo të mirë të mundshme tani e tutje!”, shkruan Stine.
