“Në janar do të kapen peshq të mëdhenj”, ishte kjo deklarata e ambasadorit amerikan, e cila mbeti thjesht e tillë, teksa asnjë arrestim i bujshëm nuk ndodhi në muajin e shkuar.
Lidhur me këtë deklaratë, ambasadori amerikan Donald Lu është ‘ngacmuar’ disi nga gazetari Erjon Skëndo. Lu ishte i ftuar sot në ceremoninë e diplomimit të mjeshtrave të rinj të kuzhinës, rast ky i shfrytëzuar nga gazetari për t’i përmendur atij peshqit e pakapur:
“Zoti ambasador, folët për kuzhinën, por s’thatë gjë për peshqit”, i thotë gazetari Skendo, ndërsa Lu është përgjigjur i qeshur teksa ka thënë “Faleminderit” dhe është larguar.
Duket se paralajmërimi i Lu-së, i shkuar dëm, ka bërë që ambasadori të marrë një ‘mësim’ e mos të bëjë më asnjë deklaratë të tillë, pa pasur diçka konkrete.
