Shkencëtari britanik Stephen Hawking e ka cilësuar presidentin amerikan, Donald Trump një kërcënim për tokën.
Këtë deklaratë Hawking e bëri gjatë një interviste për BBC, me rastin e 75-vjetorit të lindjes.
Sipas shkencëtarit, vendimi i Trump për të tërhequr SHBA-në nga marrëveshja e Parisit për klimën, mund ta bëjë tokën si Venusi, me temperatura deri në 250 gradë.
“Ngrohja globale do të jetë e pakthyeshme. Zgjedhja e Trump mund të shtyjë Tokën të bëhet si Venusi me temperatura 250 gradë dhe shi prej acidi sulfurik. Ndryshimi klimatik është një nga rreziqet më të mëdha që njerëzimi duhet të përballojë dhe nëse duam ta ndalojmë duhet ta bëjmë tani.
Trump, me mohimin e provave të ekzistencës së ndryshimeve klimatike dhe me tërheqjen e Amerikës nga marrëveshja e Parisit, do i shkaktojë ambientit dëme të pallogaritshme, duke vënë në rrezik natyrën dhe të ardhmen e fëmijëve tanë”, tha ndër të tjera shkencëtari.
