Kryeministri Rama ka replikuar me një student të Arkitekturës. Ky i fundit kërkoi që të ulej edhe tarifa e masterit, jo vetëm e Bachelorit, ndërsa e kritikoi Ramën për gjuhën e përdorur, por edhe për mënyrën e përdorimit të tij në Instagram
Studenti: Ju na keni quajtur ngelësa, keni thënë kazan mediatik apo qofte ke daja. Mos na thoni ne të flasim me edukatë, kur përdorni terma të tillë. Ne duam ulje të tarifave, por jo vetëm për bachelorin, masteri kushton 4-fishi i bachelorit. Merkel apo kryeministrat e tjerë, asnjë nga ta nuk përdor instagramin si ju. Unë student jam e nuk bëj meme.
Rama: Mos u shqetëso për atë punë se s’të jap llogari ty si e përdor Instagram dhe se si flas. Nuk kam thënë që ju të gjithë jeni ngelsa. Kam bërë një koment në Facebook dhe i kam bërë një pyetje një personi që shkruan dhe i kam thënë ‘ti je i gatshëm të paguash taksë për ngelësat’ ? Pse ? Sepse universiteti financohet në masën më të madhe nga shteti. Tarifat tuaja janë mesatarisht 25% e asaj që paguani ju. Ju nuk dini se sa paguan shteti për ju dhe këto do bëhen publike që kur të flisni për shtetin e qeverinë, të keni pak më shumë respekt. TIRANA TODAY
