Statusi i minatorit është përdorur gjithmonë si premtim nga politikanët sa herë kanë pasur nevojë për vota në fushata zgjedhore. Në emisionin “Njerëz në Fokus” në “News 24” zyrtar të qeverisë pranuan se në Parlament ndodhet një draft që ka pasur kontestime nga sindikata dhe grupe interesit. Ai shtoi se ë shpejti do të propozohet një projketligj i ri për statusin e minatorit me pëlqimin e sindikatave dhe te gjitha grupeve të interesit.
Në emision u tha se statusi i minatorit do të miratohet por ka disa detyrime dhe proceduara deri në miratim. Përfaqësuesit e sindikatave me status të veçantë kërkojnë që të miratohen dhe kërkesat e tyre. Prani i draftit të përbashkët nuk ka mundur që të realizohet i plotë sepse ka pasur mosmarrëveshje ndërmjet sindikatave. Në parlament është dërguar një draft jo i dakordësuar dhe me mungesë të pëlqimit të të gjitha palëve. Miratimi i statusit të minatorit ka hyrë në rrugën e duhur sepse po diskutohet dhe po merret mendimi i të gjitha grupeve të interesit dhe sindikatave.
