Transparency International ka publikuar Indeksin e Perceptimit të Korrupsionit për vitin 2018 për 180 vende në bazë të nivelit të perceptuar të korrupsionit në sektorin publik, me një shkallë prej 0 deri në 100 pikë (0 tregon një vend shumë të korruptuar, 100 një vend shumë të pastër).
Por, ajo vihet re është se Shqipëria ka humbur disa vende teksa renditet në pozitën e 99, nga 91 që ka qenë një vit më parë.
“Kjo mund të ketë ndodhur për shkak të një ngërçi politik që ka bllokuar disa reforma anti-korrupsion që të ecin përpara”, thotë Transparency International.
Kështu, Shqipëria është e renditur më keq sa i takon rajonit, teksa ndodhet në vendin më të ulët. Kosova renditet e 93-ta, ndërsa vjet renditej në vendin e 85.
Bosnje e Hercegovina një vit më parë ishte në vendin 91-të ndërsa sivjet radhitet në vendin e 89-të.
Mali i Zi ka rënë nga vendi i 64-të në vendin e 67-të, Serbia ka rënë nga vendi 77-të në vendin e 87-të.
Përmirësim sa i takon luftës ndaj korrupsionit ka pasur Maqedonia, e cila vitin e kaluar ishte në vendin e 107-të, sivjet radhitet e 93-ta.
Sipas organizatës, Evropa Lindore dhe Azia Qendrore janë rajoni i dytë për radhitjen më te keqe, pas Afrikës Nënsahariane.
Danimarka me 88 pikë dhe Zelanda e Re me 87, janë të parat në raport, ndërsa të fundit radhiten Somalia me 10 pikë dhe Sudani Jugor e Siria me nga 13 pikë.
