Mijëra protestues kanë sulmuar rezidencën e Presidentit Gotabaya Rajapaska në kryeqytetin e Sri Lankës. Demonstruesit nga i gjithë vendi kanë marshuar në Colombo duke kërkuar dorëheqjen e tij, pas muajsh protestash për keqmenaxhimin e krizës ekonomike të vendit.
Nuk dihet nëse Presidenti ndodhet aktualisht në rezidencë. Vendi po vuan inflacionin e shfrenuar dhe po lufton për të importuar ushqime, karburant dhe ilaçe. Mijëra protestues antiqeveritar udhëtuan me makina, furgonë dhe autobusë për në kryeqytet, me zyrtarët që i thanë AFP-së se disa madje kishin “komanduar” trena për të arritur atje.
Autoritetet ishin përpjekur të ndalonin shfaqjen e demonstratave, duke vendosur një shtetrrethim të premten mbrëma. Por protestuesit nuk u penguan dhe shtetrrethimi u hoq, pasi grupet e shoqërisë civile dhe partitë opozitare e kundërshtuan ashpër atë.
Sri Lanka ka mbetur pa rezerva valutore dhe po lufton për të importuar ushqime, karburant dhe ilaçe.
OKB-ja të premten u kërkoi autoriteteve dhe protestuesve të sigurojnë që tubimi i së shtunës të ishte paqësor.
Burimi i lajmit: BBC. Përshtatur nga Tirana Today
