Kryeministri Rama e ka nisur ditën e sotme me një postim në facebook me një foto nga perkujtimi i Masakrës së Srebrenicës me diçiturën: “11 korrik, 26 vjet nga genocidi i Srebrenicës”.
Ky post merr më shumë rëndësi pasi ndodhemi në një moment kur Kuvendi i Kosovës e miratoi së fundi një Rezolutë për këtë çështje dhe Kryeministri Kurti u shpreh ndër të tjera se rezoluta dhe padia ndaj Serbisë për gjenocid që po përgatit Kosova, do të kontribuojnë që në të ardhmen të mos përsëriten ngjarje siç ndodhën në Srebrenicë.
Nga ana tjetër Bojken Abazi, kandidati i Vetvendosjes për deputet në Tiranë, ka bërë thirrje publike që dhe në Shqipëri të ketë një rezolutë.
