Për të gjithë të apasionuarit e makinave të garave sportive, vjen mundësia të shohin nga afër performancën e disa prej ekzemplarëve më të bukur të automobilizmit botëror.
“Gumball 3000”, marka e suksesshme globale e rally-t rrugor, rikthehet në Shqipëri pas 10 vitesh për të sjellë në kryeqytetin shqiptar më shumë se 150 skuadra sportive me makinat e markave më të njohura botërore.
Tirana është zgjedhur si një nga stacionet e turit të “Gumball 3000”, e cila këtë vit ka itinerarin Riga-Varshavë-Budapest-Dubrovnik-Tirana-Athinë dhe për të përfunduar në ishullin Mykonos të Greqisë.
Makinat dhe skuadrat përkatëse që përfaqësojnë vende të ndryshme nga mbarë globi, do të vijnë nga Mali i Zi dhe do të mbërrijnë në Tiranë në sheshin “Nënë Tereza” rreth orës 18:00 më datë 5 korrik, ku dhe do të japin një performancë për qytetarët.
Ato do të largohen nga Tirana paraditen e së enjtes për të udhëtuar drejt Greqisë ku do të finalizojnë turin e tyre.
“Një perlë e fshehur. Shqipëria është vendi i disa prej rrugëve të makinave dhe peisazheve më mahnitëse në Evropë, por duhet thënë që ka ndryshuar shumë që nga xhiroja jonë e fundit në vitin 2007. “Gumballers” do të performojnë në një aktivitet publik pa pagesë në zemër të Tiranës.
