Shpimi i veshëve dhe vendosja e një aksesori, bën pjesë tek dëshirat e mamave të reja e jo vetëm. Por ndërsa fëmija është i vogël, zgjedhja kalon totalisht në duart e tyre. Përkundër kësaj dëshire, specialistët janë shprehur kundër, duke e nisur me problemet shëndetësore. Jo vetëm kaq, pasi ata mendojnë se nuk është e drejtë të bësh një ndërhyrje të tillë, në një fëmijë që akoma nuk e di nëse e do ndërhyrjen apo jo.
Akademia Amerikane e Pediatrisë sugjeron që prindërit të mos bëjnë të tilla zgjedhje, si shpimi i veshëve derisa ata të jenë mjaftueshëm të rritur për t’u kujdesur për shëndetin e tyre. Rreziqet e tjera të shëndetit për foshnjat e që u shpohen veshët, përfshijnë reaksione alergjike ndaj metaleve ose materialeve ndaj bizhuterive të përdorura gjatë procedurës së shpimit.
Dr. Corey Wasserman, një pediatër në Weill Cornell Medicine dhe New York-Presbyterian thotë:
“Nuk ka të vërtetë një moshë specifike (për rekomandim për shpimin e veshit) për sa kohë që kryhet me kujdes dhe me ndërgjegje”.
Por ai gjithsesi vë në dukje disa rreziqe, veçanërisht në foshnjat më pak se 90 ditë të rritura, sistemi imunitar i të cilave është veçanërisht i dobët.
Wasserman shton më tej se prindërit duhet të jenë më të kujdesshëm, pasi fëmijët e tyre mund të marrin një lloj infeksioni.
“Infeksioni në fëmijëri është shqetësimi numër një. Çdo herë që një fëmijë i shëndetshëm, deri në 3 muajsh merr ndonjë lloj infeksioni, zakonisht kërkon pranimin në spital dhe antibiotikët për 48 orë”.
