Rruga e vendeve të Ballkanit për anëtarësim në familjen e madhe të Bashkimit Evropian konsiderohet shumë e gjatë dhe e shoqëruar me shumë sfida-shkruan Tirana Today.
Komisioni Evropian teksa ka folur gjatë ditës së sotme për strategjinë e zgjerimit, ka theksuar se vendet duhet të zgjidhin të gjitha moskuptimet me fqinjët, ndërsa si kusht themelor i anëtarësimit është thellimi i reformave dhe zbatimi i tyre me maturi-shkruan Tirana Today.
Sot është folur për të gjithë vendet e Ballkanit, por ajo që është lënë pa përmendur ishte Kosova, që shpresat për anëtarësim duket se janë të zbehta.
“Spanja ka bërë që Kosovës t’i dëmtohet shumë ëndrra për anëtarësim në Bashkimin Evropian (BE), meqë ashtu siç edhe ishte paralajmëruar javën e kaluar Madridi nuk ka lejuar që strategjia e Komisionit Evropian për zgjerim të BE në Ballkanin Perëndimor ta trajtojë Kosovën si shtet që do të anëtarësohej ashtu si edhe tjerat vendet të rajonit” -transmeton dtt.net.
“Ndërsa Serbia, Mali i Zi, Shqipëria, Maqedonia dhe Bosnja janë në rrugë të mirë për t’u bashkuar me BE-por, dy të parat janë më pranë anëtarësimit deri në vitin 2025”- thuhet më tej.
Ndërkohë dy ditë më parë kryeministri Rama në një intervistë për median spanjolle ka theksuar se Spanja nuk është shumë prezente në Ballkan, dhe kjo sipas tij, është një hap prapa për Ballkanin dhe vetë Spanjën.
Sipas kryeministrit Rama, strategjia e prezencës së Spanjës në Ballkan do të ishte një hap i madh, ndërsa ndihma e saj është shumë e nevojshme për krijimin e një sfide të përbashkët për të ardhmen, në fushën ekonomike, sociale, politike, pasi ajo është një ekonomi me performancë të madhe.
Kosova aktualisht nuk mund të hyjë në procesin e zgjerimit të BE-së pasi 5 vendeve anëtare si Spanja, Greqia, Qipro, Sllovakia dhe Rumania, refuzojnë të njohin pavarësinë e saj, sipas Strategjisë së Zgjerimit të BE në Ballkanin Perëndimor të paraqitur sot nga Komisioni Evropian. TIRANA TODAY
