Ish-liderin e Katalonias, Carles Puigdemont është në telashe sepse prokuroria spanjolle ka lëshuar sot një urdhër-arrest ndërkombëtar. Ai akuzohet nga autoritetet spanjolle për rolin që luajti në referendumin për pavarësinë e Katalonjës.
Gjykata e Lartë Spanjolle dje u ka bërë thirrje anëtarëve të qeverisë rajonale e katalonjës të paraqiten në Madrid, si pjesë e një hetimi mbi rebelimin për shpalljen e pavarësisë së provincës spanjolle.
Avokati i Puigdemontit, Pol Bekert tha se nëse Spanja kërkon ekstradimin e Puigdemont, i cili ndodhet në Belgjikë, vendimi do të merret nga gjykata belge dhe jo nga qeveria. Avokati po ashtu ka njoftuar se Puigdemont nuk do të kthehet në Spanjë gjatë javëve të ardhshme.
Sipas Gjykatës spanjolle udhëheqësit e shkarkuar të qeverisë së Katalonjës, Carles Puigdemont dhe 13 anëtarë të tjerë, duhet të paraqiten në Madrid në seancën e së enjtes.
