Spalletti merr dhuratën e shumëpritur

Interi e ka mbyllur marrëveshjen me Barcelonën për mesfushorin Rafinha. Lajmin e konfirmojnë mediat e të dyja shteteve si Sky Sport Italia dhe Mundo Deporitvo. Rafinha do të kalojë te Interi deri në fund të sezonit si huazim.

Mësohet se marrëveshje është arritur me opsion blerje për 35 milionë euro dhe tre milionë euro bonuse, detajet e fundit të marrëveshjes mes palëve janë mbyllur. Interi është duke tentuar disa përforcime, por të gjitha do të vijnë si huazim. Kjo është dhurata më e mirë që mund ti bënin drejtuesit Spallettit, pasi ishte pika ku po vuante më shumë ekipi. Një trekuartist për Interin që shpreson ta rikthejë në formën më të mirë, në atë formë që nisi sezonin. Rafinha është përforcimi i dytë pas ardhjes së Lisandro Lopez nga Sporting Lisbona.