Luciano Spalletti ka sqaruar në konferencën për shtyp pas ndeshjes atë shtrëngim duarsh të çuditshëm që pati me Valter Mazzarrin në fundin e takimit. Interi u mposht nga Torino në përballjen e 28 në Serie A me rezultatin e ngushtë 1-0, fitore që vinte pas 24 vitesh për torinezët në fushën e tyre.
“Kur ai të jep dorën, është gjithmonë me ndrojtje, edhe kur fiton ndeshjen. E komplimentova, ai më ofroi vetëm majën e dorës, kështu që e shtrëngova akoma më shumë. Ai fitoi, mund të jetë i lumtur. Nuk duhet të ketë frikë,” shprehet Spalleti.
Inter humbi mundësinë për t’u ngjitur në vend të tretë të Serie A falë golit të Adem Ljalic në Stadio Olumpico, në një ndeshje ku Zikaltrit humbën shumë raste për gol.
“Ka raste në futboll kur gjërat nuk të shkojnë ashtu siç do ti. Duhet të menaxhojmë dhe kontrollojmë ndeshjen më mirë. Kur gjërat nuk shkojnë mirë nuk mund ta nxjerrësh me zor rezultatin.” shton Spalletti.
