Që Interi ka nevojë për përforcime, këtë gjë e ka thënë disa herë edhe tekniku zikaltër, Luciano Spalletti. Mbrojtja është reparti që shfaq emergjencën më të madhe, por edhe mesfusha e sulmi kanë probleme. Momentalisht me Mirandën dhe Dambrosion të dëmtuar, mundësitë e zgjedhjes në mbrojtje janë shumë të pakta.
Mesfuhës i mungon fantazia dhe me Borja Valero të vetëm nuk po funksionon më. Icardi shënon por duhet furnizuar me topa, gjë që nuk po e bëjnë krahët e sulmit, pasi Candreva dhe Perisic duket se janë në një krizë. Por jo vetëm kaq, problemi kryesorë është se Interi nuk ka shumë lojtarë që të ndryshojë skema, por i është dashur të luaj me të njëjtët lojtarë për gjysmë sezoni.
Inter pati këtë sezon një nga fillimet më të mira në Serie A viteve të fundit duke qëndruar në garë kokë me kokë me rivalët për titull Napoli dhe Juve, mirëpo muaji dhjetor qëlloi të jetë muaj i hidhur pas nuk arritën ta merrnin asnjë fitore. Dhe kjo nuk është lënë pa u vërejtur nga drejtuesit e Interit, ku kërkojnë përforcimin e ekipit, transmeton Transferimet.net
Inter janë duke kërkuar mundësi të shumta për përforcimet e janarit. Është Domenico Criscito për mbrojtje dhe kontrata e tij skadon në qershor, Ramires për mesfushën dhe André Schürrle për sulmin, sipas Di Marzio.
