Interi i Luciano Spallettit ishte i jashtëzakonshëm përballë Geonas, të cilët i mposhti me rezultatin e thellë 5-0. Zikaltrit kanë fituar shtatë ndeshje radhazi në Serie A dhe kanë shkatërruar Genoa-n falë golave të Gagliardini (2), Politano, Joao Mario dhe Nainggolan. Spalletti pas ndeshjes ka folur për skuadrën e tij e cila po paraqitet mjaft mirë në fushë:
“Gjithmonë duhet të fillojmë me intensitet të lartë që në fillim, sepse nëse nuk e mbajmë këtë mentalitet solid, nuk do të bëjmë mirë,” shprehet trajneri për Sky Sport Italia. “Ekipi kishte mentalitetin e duhur, punoi mirë, bëri presing që në sulm dhe sulmuesit ndihmuan në fazën mbrojtëse.
Gjëja që më kënaqi më shumë ishte të shihja 70,000 tifozë në stadium që duartrokisnin dhe ishin të kënaqur me paraqitjen tonë. Ata nuk e humbën besimin te ne dhe vazhduan të vinin, duke treguar dashurinë e tyre për klubin.”
Inter përdori rotacionin në prag të ndeshjes me Barcelona-n në Champions League dhe Gagliardini dhe Joao Mario kishin mundësinë të shfaqnin potencialin e tyre.
“Kur e lashë Gagliardini-n jashtë ndaj Lazio-s, ai ishte shumë i zhgënjyer dhe vari turinjtë, por sot tregoi se kërkon të ndihmojë ekipin me kontributin e tij.
Po të kishte ardhur në stërvitje me atë fytyre nuk do të ishte paraqitur kështu sot. Ai është shpërblyer për profesionalizmin e tij dhe ne kemi disa lojtarë të tillë, si Joao Mario, por edhe Dalbert i cili luajti mirë sot.”
