Luciano Spalletti është shprehur mjaft i kënaqur nga paraqitja që bëri ekipi i tij në fitoren 5-0 ndaj Chievos, që bëri të mundur edhe marrjen e kryesimit të Serie A. Zikaltrit kishin që në janar të 2016 që nuk kryesonin të vetëm renditjen e Serie A.
“Kur ndeshja shkon në atë mënyrë, skuadra i ndan detyrat dhe bën çdo gjë si një trup i vetëm, është diçka e bukur për t’u parë për një trajner,” shprehet Spalletti pas ndeshjes për Mediaset Premium.
“Jemi në rrugën e duhur. Skuadra e filloi mirë ndeshjen dhe u përmirësua akoma më shumë, kështu që s’ka shumë për të folur. Këto janë tri pikë shumë të rëndësishme. Nuk i lejuam hapësira Chievo-s, sulmuam nga krahët dhe u munduam të mos humbnim topin në qendër.”
Ekzistonte frike se skuadra e Inter do të humbiste formën e saj me mungesën e Vecino dhe Gagliardini-t në mesin e fushës, por Brozovic dhe Joao Mario i mbushën mirë hapësirat. Ndërsa javën që vjen Interi do të udhëtojë drejt Torinos për tu përballur me kampionët në fuqi, Juventusin
“Do të jetë një ndeshje shumë e vështirë për ne dhe duhet të rikthehemi menjëherë në punë, të fokusohemi te gjërat që njohim dhe t’i bëjmë ashtu siç duhet”, përfundon Spalleti.
