Në “San Siro” kanë qenë të pranishëm plot 50.037, të cilët herë kanë vërshëllyer lojtarë të caktuar, herë kanë mbështetur ekipin. Është aktivizuat Karamoh, i cili në ndeshjen e parë ka lënë një përshtypje mjaft të mirë. Spalleti nuk është plotësisht i kënaqur me lojën, por i gëzohet fitores.
Spalletti: “Icardi? Duhet të kthehet prapa dhe të luajë me topin ashtu që ta largojë pak markuesin e tij, ne duhet ta shërbejmë më mirë dhe të besojmë tek ai. Jemi skuadra me më së shumti harkime, besojmë në mundësitë e tij dhe do ta mbështesim. Kundërshtarët tanë na kanë obliguar që të kërkojmë golin përmes topave joaktiv, gjë që është një prej kualiteteve tona, sepse kemi një skuadër fizike, të fortë. Duhet ta konsiderojmë si një mundësi të rëndësishme. Nuk kemi luajtur mirë me topin, dhe kemi luajtur si skuadër. Genoa ka lojtarë të shpejtë, të cilët krijojnë shumë problem,e për repartin mbrojtës. Duhet ta krijojmë ndjenjën që skuadra mund të luajë kundër të gjithëve. Mbështetësit tanë janë edhe kritikë dhe kjo është e drejtë, por ne po japim gjithçka që të krijojmë kushte optimale. Duhet ta rikrijojmë një mentalitet, një shpirt. Duhej më shumë kualitet në disa raste. Në ndonjë pjese të ndeshjes kemi qenë pak si shumë të shkollës. Tifozët tanë janë një stimul për ne, duhet të kemi karakter për të reaguar”.
Për mikrofonat e Sky Sport tha se është i lumtur më shumë për fitores pasi ishte shumë e rëndësishme.Italiani ka kërkuar që skuadra mos të mbështetet vetëm në golat e Mauro Icardit dhe Ivan Perisic.
“Erdhi goli me tre pikë dhe jam i lumtur, ishte e rëndësishme të fitonim dhe e kemi bërë. Kemi vuajtur kundër një kundërshtari që erdhi nga një humbje dhe që luftonte për çdo top. Trajneri kërkon gjithçka nga të gjithë, kjo skuadër duhet të kthehet në vendin ku e meriton. Nuk duhet të mbështetemi vetëm në golat e Perisic dhe Icardit.Duhet të vazhdojmë të përmirësohemi”, ka thënë D’Ambrosio.
Ndeshja e ardhme e Interit është ndaj Beneventos, pastaj është koha për derbin ndaj Milanit.
