Prokuroria e Posaçme kundër Korrupsionit dhe Krimit të Organizuar ka lexuar konkluzionet përfundimtare për ish-kryetaren e komanduar të Bashkisë Tropojë, Zyra Islamaj, dhe ndërtuesin Rrok Gega.
Për Islamajn, prokurori Bledar Maksuti kërkoi dënimin me 3 vite burg, me kusht që dënimi të konvertohet në 4 vite shërbim prove. Ndërsa për Gegën, SPAK kërkoi 1 vit burg, me kusht që të konvertohet në 2 vite shërbim prove.
Sipas organit të akuzës, Zyra Islamaj dyshohet për kryerjen e veprës penale “korrupsion pasiv i personave që ushtrojnë funksione publike”, ndërsa Rrok Gega akuzohet për “korrupsion aktiv”.
Çështja pritet të kalojë në fazën e vendimmarrjes nga gjykata, e cila do të shqyrtojë kërkesat e Prokurorisë së Posaçme për dy të pandehurit.
