Ajola Xoxa ka mbërritur në Shqipëri rreth orës 20:25 në aeroportin e Rinasit pas marrjes së njoftimit mbi masën e sigurisë të lëshuar nga Gjykata e Posaçme. Sapo ka shkelur në tokën shqiptare, Xoxa është shoqëruar nga agjentë të BKH-së.
Ajo ka vendosur të kthehet në Shqipëri përmes një fluturimi nga Roma, pas arrestimit të bashkëshortit të saj, kryebashkiakut të Tiranës, Erion Veliaj.
Veliaj u arrestua nga Prokuroria e Posaçme Kundër Krimit të Organizuar me akuzat për “Korrupsionin pasiv” dhe “Pastrimin e parave”. Ndërkohë, bashkëshortja e tij, Ajola Xoxa, është vendosur nën masën e “Arrestit në shtëpi”, duke u akuzuar për korrupsion, pastrim parash dhe fshehje pasurie.
