“South Outdoor Festival” ka çelur siparin për 3 ditë me radhë në Pilur të Vlorës dhe synon promovimin e zonave të thella malore të Qarkut Vlorë.
Të pranishëm ishin ministrja e Zhvillimit Ekonomik, Turizmit, Tregtisë dhe Sipërmarrjes, Milva Ekonomi, e shoqëruar nga ministri i Energjisë, Damian Gjiknuri, krerët e bashkive të Vlorës dhe Himarës dhe drejtori i GIZ në Shqipëri, Hans-Jürgen Cassens.
Hapja e sezonit turistik në Himarë, kësaj here kishte në qendër të vëmendjes promovimin jo vetëm të detit, por edhe të malit, për të treguar që turizmi nuk nënkupton vetëm detin dhe sezonin veror, por dhe turizëm malor dhe turizëm aventure, pra turizëm gjithëvjetor.
Autoritetet synojnë që ky event të bëhet i përvitshëm dhe të sjellë mundësi për zhvillimin e zonave përreth.
