Maxhoranca do të shqyrtojë sot në Kuvend dekretin e Presidentit Ilir Meta. Kreu i shtetit ktheu sërish për rishqyrtim ligjin. Ai i hap rrugë ndërtimit të Teatrit të Ri Kombëtar. Pritet që dekreti të rrëzohet dhe për rrjedhojë ligji hyn në fuqi menjëherë. E drejta e Presidentit për ta kthyer ligjin është vetëm njëherë.
Opozita dhe artistë kundërshtojnë fuqishëm ligjin për shembjen e Teatrit. Në kuadër të këtyre zhvillimeve ka reaguar ministrja e Kulturës Mirela Kumbaro.
Me anë të një shënimi në “Twitter” shkruan:
“Ismail Kadare: Shqipëria është i vetmi vend në Evropë, që nuk ka ende një ngrehinë teatri, të denjë për këtë emër. Teatri Kombëtar, i cili quhej dikur kinema Kosova. Nuk ka qenë veçse një ndërtesë e përkohshme, nga ato që ushtria italiane i përdorte për zbavitjen e trupave të saj”.
Ajo ka cituar një citat të shkrimtari Ismail Kadare, i cili duket se është në një linjë me mazhorancën.
Në 11 tetor, Kreu i shtetit, Ilir Meta ka refuzuar sërish miratimin e ligjit të maxhorancës, që i hap rrugën shembjes së godinës së Teatrit Kombëtar. Në dekretin e ri të Presidentit evidentohen në total 9 shkelje ligjore, të cilat sipas Metës nuk janë reflektuar në draftin e miratuar nga Parlamenti.
