Kupa e Shqipërisë është një mundësi shumë e mirë për klubet shqiptare që duan të marrin pjesë në kupat e Evropës, por jo këtë sezon.
Ditën e sotme luhen përballjet e para gjysmëfinale të Kupës së Shqipërisë, ku gjithsej janë 4 skuadra që garojnë për trofeun.
Bylisi-Tirana dhe Kukësi-Teuta janë përballjet e sotme, ndërkohë që raportohet si e sigurt që vendi i katërt shkon në Evropë.
Sipas “Panorama Sport”, vetëm pesë klube janë licencuar dhe mes tyre nuk janë ballshiotët e kualifikuar në gjysmëfinale.
Madje as Skënderbeu nuk është licencuar, veç faktit që ka edhe një dënim nga UEFA për të shlyer. Kështu, me te vendet e para në gjysmëfinale të Kupës, gara e vendit të katërt është mjaft interesante. Partizani dhe Laçi, mes klubeve që e kanë marrë licencën, do duelojnë mes tyre. Kështu, Kupa do të vlejë vetëm për milionat që FSHF jep, më saktë 50 milionë.
