Në prag të Krishtlindjeve, socialistët do të mbledhin sot Kryesinë, për të analizuar punën e qeverisë në këtë vit të parë të mandatit të dytë qeverisës. Kjo mbledhje vjen pas protestës 17 ditore të studentëve, dhe do të jetë një mundësi për reflektim të politikave që kanë shkuar keq.
Sakaq, në 28 dhjetor pritet të mblidhet dhe Asambleja e partisë. Pritet që në këto mbledhje, socialisët të diskutojnë për qeverisjen e këtij viti, në mandatin e dytë si dhe për organizimin për sa i përket zgjedhjeve lokale.
Burimet, jo zyrtare bëjnë me dije se nuk përjashtohen as ndryshimet në qeveri, duke qenë se vetë kryeministri dhe drejtues të lartë të Partisë Socialiste janë shprehur se nga kjo situatë, do të nxirren përgjegjësit.
Në mbledhjen e Asamblesë do të analizohet edhe puna e drejtuesve partiakë të niveleve më të ulëta, për të marrë një angazhim më të madh të grupit parlamentar, dhe i funksionarëve të lartë të partisë, për të përballuar situata të ngjashme.
