Familjet e dy të rinjve që humbën jetën në një aksident në vitin 2017 thanë në një proces gjyqësor se filtri i shpejtësisë i aplikacionit inkurajoi rritjen e rrezikshme të shpëjtësisë që çoi në aksident.
Snapchat filloi heqjen e elementit “filtër shpejtësie” pasi u akuzua për inkurajimin e shpejtësisë së lartë nga avokatët e sigurisë dhe familjet e viktimave të aksidenteve rrugore.
Është e paqartë kur Snap Inc. mori vendimin për të hequr funksionin e regjistrimit të shpejtësisë në kohë reale, por ‘NPR’ e raportoi për herë të parë lajmin të enjten.
Në një deklaratë për ‘BuzzFeed News’, një zëdhënës i Snap konfirmoi se kompania po e hiqte filtrin, duke thënë që ai nuk po përdorej më nga 500 milion përdorues aktivë mujorë të aplikacionit.
“Asgjë nuk është më e rëndësishme sesa siguria e komunitetit tonë të Snapchatit dhe më parë kishim çaktivizuar filtrin e shpejtësisë së ngarjes “, tha zëdhënësi. “Sot ky funksion pak përdoret nga përdoruesit e Snapchatit dhe, prandaj, ne po e heqim plotësisht”.
NPR raportoi se kompania ka filluar heqjen e filtrit duke filluar që këtë javë, por do të duhen ende disa javë të tjera që ai të zhduket plotësisht nga aplikacioni.
Snapchat prezantoi për herë të parë filtrin kotrovers në 2013-ën, por ndryshoi disa nga aspektet e tij pas reagimit dhe padive. Ai e ndryshoi atë nga një filtër në një element më pak të spikatur dhe shtoi një paralajmërim “mos rri në Snap kur nget ” sa herë që funksioni i matësit të shpejtësisë përdorej./ TIRANA TODAY
