Skënderbeu ka pranuar sot zyrtarisht sulmuesin nga Gambiali Ali Soue, i cili i është bashkuar skuadrës korçare në formën e huazimit për një vit nga Kievo i Italisë.
Soue është prezantuar në ambjentet e stadiumit “Skënderbeu” në praninë e menaxherit të përgjithshëm, Gerhard Takaj. Ali Soue është 1.91 metra dhe përveçse si qendërsulmues, mund të luajë edhe nga krahët. Pasi nisi karrierën te klubi Gamtel në Gambia, Soue firmosi për herë të parë një kontratë si profesionist në vitin 2013 me Kievo Veronën.
Pas dy ndeshjeve me Kievon në sezonin 2012-2013, sulmuesi u huazua te Juve Stabia në Serinë B, ku shënoi 5 gola. Ai ka luajtur edhe me Peskarën, Modenën e Leçen në ligën e dytë të futbollit italian. Ka qenë pjesë e Pratos dhe Vibonezes në Lega Pro në dy sezonet e fundit.
