Skënderbeu është rikthyer të jetë ai i frikshmi dhe dominuesi në fushën e lojës. Këtë e ka bërë pikërisht ndaj Flamurtarit që e mposhti vetëm pak ditë më parë në ndeshjen e Kupër në Korçë. Bardheblutë e Dajës fituan me rezultatin e thellë 3-0, duke i zhytur vlonjatët në vorbullën e mbijetesës.
Goli i parë është shënuar që në sekondën e 40’ nga Ali Sowe, pas një asistimi perfekt nga James. Sowe ka barazuar Gurin e Kukësit me 13 gola në kampionat.
Nuk ka vonuar shumë edhe goli i dytë, që ka ardhur 11 minuta më vonë. Këtë herë autori ka qenë Dita. Me rezultatin 2-0 mbyllet dhe pjesa e parë, ku u duk qartë dominimi i Skënderbeut.
Edhe pjesa e dytë nis në të njëjtat ritme, ku janë sërish korçarët që gjejnë rrugën e rrjetës vetëm pas 3’ minutash lojë me anë të Gavazajt. Me këtë fitore, Skënderbeu është ngjitur në 63 pikë, 12 më shumë se Kukësi i vendit të dytë. Ndërkohë, Flamurtari, që nuk fiton prej tetë ndeshjesh në kampionat, ka pësuar humbjen e tretë radhazi në Superiore, ku mban vendin e gjashtë me 37 pikë.
