Skënderbeu ka thyer rekord në shitjen e biletave, duke ia kaluar edhe Kombëtares.
Kështu, klubi ka konfirmuar se janë shitur 11 mijë bileta, teksa korçaret pritet të “zhvendosen” sot në Elbasan Arena për të përkrahur ekipin e zemrës kundër Dinamos së Zagrebit.
Mësohet se pjesa më e madhe e biletave është shitur në Korçë, por interes të madh për blerjen e biletave ka pasur edhe në Tiranë e Elbasan.
Më shumë se 8000 veta do të nisen nga Korça në orën 14:30 drejt Elbasanit.
Më shumë se 40 mjete të transportit janë vënë në dispozicion nga vetë klubi, ndërsa qindra makina private pritet të marrin rrugën drejt Elbasanit.
