Skënderbeu ka arritur të mposhtë Lushnjën e vendit të fundit në transfertë me rezultatin 1-3, në një ndeshje ku përballeshin dy ekstremet e tabelës. Vendasit vini në këtë sfidë pas një fitoreje të bujshme, ku mposht në “Zeqir Ymeri” kampionët në fuqi të Superiores. Por formacioni i Ilir Dajës e ka gjetur rrugën e rrjetës që në minutën e katërt me James, i cili realizon një gol mjaft të bukur me finte.
Pas golit korçarët vazhdojnë të kontrollojnë ndeshjen duke ruajtur zotërimin e topit dhe zbritjet në sulm me topa të gjatë. Në minutën e 28’ pas një goditje këndi nga Lushnja, Aliti devijon topin me kokë dhe topi përfundon në rrjetën e Shehit, një autogol që sjell baraspeshën. Por Skënderbeu nuk e lë pjesën e parë të mbyllet në barazim, pasi në minutën e 44’ Gavazaj merr një pasim mjaft të mirë nga Taku dhe depërton me mjaft mjeshtëri për të mposhtur më pas portierin Taku.
Pjesa e dytë luhet shumë hapur, ku është sërish Skënderbeu që dominon dhe Lushnja që provon vetëm me kundërsulme. Por në minutën e 82’ portieri Spaho bën një ndërhyrje të gabuar ndaj Muzakës dhe arbitri i tregon të kuqin dhe akordon goditje këndi. Dorezat i veshi Canka për të ruajtur katërkëndëshin, por Radas e ekzekuton me mjaft mjeshtëri atë goditje dënimi, sa Canka vetëm kupton krahun, pasi topin e prek për ta nxjerrë nga rrjeta.
Një fitore mjaft e rëndësishme për Skënderbeun pas asaj disfate në Laç dhe konfirmohet sërish si vendi i parë me një diferencë të konsiderueshme pikësh. Nga ana tjetër Lushnja bie sërish në fundin e klasifikimit duke i venitur shpresat për mbijetesë edhe pse kampionati është akoma i gjatë.
Lushnja-Skënderbeu 1-3
Golat: Aliti 28’ (aut) / Xhejms 4’, Gavazaj 44’, Radas 85’
Lushnja: Spaho, Meto (Ruco 46’), Prençi, Bufasi, Mone, Pepa (Cela 79’), Papa, Taullahu (Voda 70’), Magani, Canka, Sefa. Trajner: Hysen Dedja
Skënderbeu: Shehi, Vangjeli, Radas (Lulaj 87’), Jashanica, Aliti, Lilaj, Taku, Muzaka, Gavazaj (Nimaga 81’), Soue, Xhejms (Demte 90+1′). Trajner: Ilir Daja
Gjyqtarë: Fatjon Xhemalaj, Redian Dobruna, Rejdi Zaimi
Kartonë të verdhë: Papa 56’, Pepa 65’, Bufasi 90′ / Vangjeli 77’
Karton i kuq: Spaho 82’
