Kategoria Superiore do të startojë ditën e sotme dhe do të jetë pikërisht ndeshja që prisnin të gjithë të shijonin sezonin që lamë pas ajo që do të hapë siparin e një sezoni të gjatë. Skënderbeu-Partizani, sfida me rivalitetin më të madh në vitet e fundit dhe shpeshherë përtej sportivitetit me akuza e sulme nga më të ndryshmet. Gjithçka u ndez tre vite më parë kur “Të Kuqtë” e humbën ndeshjen në javën e fundit, një zhgënjim që vështirë të harrohet.
Skënderbeu vjen me shumë ndryshime dhe do të kërkojë të demonstrojë që në takimin e parë se ata pavarësisht problemeve të shumta do të jenë udhëheqësit e futbollit në Shqipëri. Ndërsa nga ana tjetër Partizani vjen më e frymëzuar se kurrë për të ngritur në qiell në fundin e sezonit trofeun që i kanë shkuar shumë pranë vitet e fundit, por pa arritur ta bëjnë të tyrin. Te kuqtë kanë zhvilluar një merkato mjaft të mirë dhe tashmë mbetet për tu parë se si do ti harmonizojë trajneri Gega në fushën e lojës.
E premte, 17 gusht
Skënderbeu – Partizani ora 19:45
E shtunë, 18 gusht
Luftëtari – Kastrioti ora 16:45
Tirana – Kamza ora 19:45
E dielë, 19 gusht
Kukësi – Laçi ora 16:45
Teuta – Flamurtari ora 19:45
