Skënderbeu ka fituar kampionatin dhe Kupën e Shqipërisë këtë sezon, por paraqitjet e tij në ndeshjet e fundit kanë një situatë aspak të këndshme. Gazetari Gëzim Sinemati, në “Procesin Sportiv” është shprehur se korçarët nuk duhet të mendonin për t’u bërë ndere ekipeve të tjera, por të aktivizonin lojtarët e rinj dhe të luanin siç duhet. Në këtë temë, ka ndërhyrë edhe Bledi Shkëmbi, i cili ishte i pranishëm në studio.
Sinemati: “Skënderbeu nuk e ka futbollin me buton, kur duam luajmë dhe kur nuk duam humbim 5 ndeshje radhazi… Nuk është mirë kjo punë. Nuk ka shanse që të ndodhë kështu qofshin ata lojtarë stoli apo titullarë.
Shkëmbi: “Skënderbeu luajti pa titullarët. Pa titullarët, Skënderbeu nuk është aq i fortë. Çfarë faj ka presidenti i FSHF-së që Skënderbeu aktivizon lojtarët e stolit?”.
Sinemati: “Jo nuk ka lidhje kjo. Njerëzit duan që Skënderbeu të luajë futboll dhe jo njëherë të hapë këmbët dhe një herë t’i mbyllë këmbët. Nuk ka moral kjo punë. Nuk mundet as që ta mendosh më pas që presidenti i FSHF-së rrinte në anë të fushës me medalje në dorë dhe priste që të mbaronte ndehsja me Vllazninë ku Skënderbeu nuk kish dëshirë të luante dhe as të shkonte në portë…”.
