Shqipëria festoi 105-vjetorin e Pavarësisë, ndërsa sot shënon 73-vjetorin e Çlirimit. Por, çfarë do thoshte Skënderbeu në këto dy ditë të shënuara?
Shkrimtarja Flutura Açka ka publikuar një shkrim të cilin e quan “monolog të Skënderbeut në passhpinë”.
Ajo shkruan se atdheut i janë ngatërruar zorrët, teksa nuk e di ku i ka këmbët e ku kokën.
Monologu i Skënderbeut në passhpinë:
“Ah, sikur në vend të robve të kishte vetëm flamurë në radhë para meje! Por ç’e do, në kohët e reja, prej akrobacive politike, i janë ngatërruar zorrët Atdheut, nuk e di i mjeri më ku e ka kokën, e ku i ka këmbët. Duartrokit, moj elitë hipokrite!
– Valbona e shkaterruar
– Vjosa e kërcënuar
– Llogaraja e gërryer
– Tomorri i sakatuar
– Tirana e betonuar
– Puset e matrikulluar
– Kanabisi i çertifikuar
– Media e parcelizuar
– Çmimet të globalizuar
– Leku i diskretituar
– Bankat akaparuar
– Spiunët të nderuar
– Diktatura e rehabilituar
– Populli i duruar
Uh… paska shumë. Mbaroi dhe ceremonia, të tjerat i dini vetë, o shqiptarë! I juaji, Skënderbeu!”, përfundon Açka.
