Heroi ynë Kombëtar, Gjergj Kastrioti, Skenderbeu, së shpejti do të jetë subjekt i një prodhimi hollivudian.
Nismëtari i këtij projekti është ish kongresmeni amerikan, me origjinë shqiptare, Joe DioGuardi.
DioGuardi u tha mediave se ka gati një skenar mbi filmin rreth heroit të madh shqiptar, por dëshiron që këtë projekt t’ua besojë regjisorëve më të mirë të Hollivudit.
Ai shtoi se kjo është një ëndërr e kahershme e tij dhe se me këtë film, dëshiron që edhe t’ju tregojë amerikanëve fytyrën e vërtetë të shqiptarëve.
“Do t’i tregojmë Amerikës fytyrën e vërtetë të shqiptarëve. Deri tani kemi një koncept të shkurtër ndërsa një person po merret me analizimin e jetës së Skënderbeut në vitet 1440-1455, kur ai ishte në pikun e karrierës”, tregon DioGuardi.
“Nuk po e bëj këtë për vete por për të gjithë shqiptarët”, u tha ai mediave.
