Ndeshjen e parë të turit të tretë eliminator të Europa League, Skënderbeu e humbi me rezultatin 2-1 ndaj skuadrës çeke e Mllada Boleslav.
Ka qenë një ndeshje relativisht e mirë e të besuarve të Ilir Dajës, që edhe pse humbasin 2-1, kanë shumë shanse për kualifikim në takimin e kthimit në “Elbasan Arena”.
Në minutën e 42-të vendasit zhbllokojnë rezultatin. Chrahmosta përfiton nga një gabim i mbrojtjes së Skënderbeut dhe i ndodhur në pozicion ballor brenda zone gjuan saktë, duke e dërguar topin në rrjetë. 1-0 për skuadrën çeke dhe me këtë rezultat mbyllet pjesa e parë.
Në pjesën e dytë pati dëshirë nga të dy ekipet për të shënuar, por vetëm në fund dhurohen momente emocionuese.
Skënderbeu arrin të barazojë në minutën e 86-të falë një autogoli të Pavel Cmovs, por gëzimi i korçarëve zgjat shumë pak. Janos vetëm 60 sekonda më pas i kthen avantazhin ekipit çek, 2-1.
Me këtë rezultat mbyllet takimi i parë me korçarët të cilëve u mjafton vetëm një gol për tu kualifikuar më tej. Shanset janë të mëdha për skuadrën e Skënderbeut.
https://vid.me/HqQKF
