Pas deklaratës së UEFA-s se ka pasur kërcënime në drejtim të inspektorëve të tyre në lidhje me hetimin që po i bëhet ekipit të Skënderbeut për manipulim ndeshjesh, ka ardhur edhe reagimi i klubit korçarë. UEFA po zhvillon një hetim për përfshirjen e klubit shqiptar në fiksimin e ndeshjeve. Aktualisht po kryen një hetim mbi përfshirjen e klubit shqiptar KF Skënderbeu në manipulimin e ndeshjeve. Hetimi bazohet kryesisht në të dhënat e mbledhura nëpërmjet Sistemit të Zbulimit të Mashtrimeve të Basteve të UEFA (BFDS).
Reagimi i presidentit të UEFA-s, Aleksandër Ceferin./Sot, Inspektorët Disiplinorë të UEFA-s që punojnë në këtë rast kanë marrë kërcënime anonime të vdekjes, me sa duket kanë për qëllim t’i trembin ata dhe t’i ndalojnë ata të kryejnë punën e tyre. Këto kërcënime nuk do të kenë sukses dhe policia është njoftuar gjithashtu.
UEFA mbetet plotësisht e angazhuar në luftën kundër fiksimit të ndeshjeve dhe i gjithë stafi i UEFA-s që punon në këto çështje vendimtare mund të llogarisë në mbështetjen e plotë të organizatës. Ky mesazh u përsërit sot nga Presidenti i UEFA-s Aleksander Čeferin, i cili deklaroi: “Ne kurrë nuk do të lejojmë që stafi i UEFA-s që punon në këto çështje, ose ndonjë çështje tjetër, t’i nënshtrohet kërcënimeve apo frikësimeve nga ndonjë palë e tretë. Ata kanë mbështetjen e plotë të organizatës, duke përfshirë 100% mbështetje personale nga unë “.
– REAGIM ZYRTAR I KF SKËNDERBEUT-
Duke marrë shkas nga lajmi i publikuar së fundmi në portalin e UEFA-s, Klubi i Futbollit ‘Skënderbeu’ mohon kategorikisht dyshimet dhe akuzat se persona të lidhur me klubin kanë kërcënuar me jetë inspektorët e organizatës europiane të futbollit.
Një veprim i tillë është totalisht jashtë natyrës së qetë, qytetare dhe ‘Fair-Play’ të klubit tonë dhe drejtuesve më të lartë të ekipit.
Nësë ka pasur kërcënime atëherë KF Skënderbeu inkurajon organet përkatëse ti shkojnë deri në fund çështjes.
Përsa i përket shqetësimit të shfaqur nga UEFA në lidhje me publikimin e informacioneve dhe raporteve, Klubi i futbollit ‘Skënderbeu’ mohon të ketë shperndarë raportin duke njohur natyrën konfidenciale të tij.
Raportet e shfaqura në media kanë dalë nga zyrat e UEFA-s për media të caktuara sportive në Shqipëri.
Faleminderit për mirëkuptimin.
Zyra për shtyp
KF Skënderbeu
