Në një intervistë për RTS, presidenti Aleksandar Vuçiç, komentoi rrethanat diplomatike me të cilat po përballet Serbia. Sipas njoftimeve të medias, Vuçiç, i cili do të marrë pjesë në Forumin Ekonomik të Davos, do të “takojë” Presidentin e SHBA Donald Trump, shkruan Tirana Today.
“Unë nuk kam një takim të caktuar me Donald Trump. Politika amerikane ndaj nesh nuk ka ndryshuar shumë, ne nuk jemi rajoni më interesant për ta, dhe mua më duket se ne jemi duke u bërë disi më të rëndësishëm. Nuk do të komentoj nëse kjo është e mirë apo e keqe,” tha Vuçiç.
I pyetur për të komentuar mbi raportet e medias se ish-zyrtari i Departamentit të Shtetit të SH.B.A.-së Bryan Hoyt Yee do të bëhej ambasadori i ri i SHBA në Sarajevë, ai tha se nuk ishte në dijeni për këtë informacion, duke thënë se “jam disi më i informuar se mediat”.
Megjithatë, kur bëhet fjalë për njoftimet e mediave për emërimin e mundshëm të Aleksandr Botsan-Kharchenkos si ambasadori i ri i Rusisë në Serbi, Vuçiç tha se kjo ishte “e mundshme”.
“Ai është një diplomat i shquar, i mprehtë dhe i fuqishëm, unë do të thosha, një nga komandat diplomatike të Rusisë,” tha Vuçiç.
Ndërsa më tej, kur u pyet se “çfarë lloj mesazhi do të dërgonte ky emërim”, presidenti u përgjigj se ishte “mjaft e qartë”. I pyetur nëse ai foli me Presidentin rus Vladimir Putin rreth Qendrës Humanitare Ruso-Serbe në Nish, ai u përgjigj se ai “nuk mund të bëjë publike atë që është diskutuar privatisht”. TIRANA TODAY
