Dje banorët e Astirit kanë përshkallëzuar protestën, duke djegur goma në rrugë. Në ditën e 60 të protestës, banorët përpos bllokimit të rrugës, vendosën që të digjnin edhe gomat.
Në krahë të tyre u vendosën përfaqësues të PD, mes tyre Klevis Balliu. Në fjalën e tij, ai kërkoi largimin e Ramës. Sipas tij, nëse vijohet me këtë situatë mospërfillëse nga ana e kryeministrit, edhe banorët nuk do të ndalen.
“Kryeministri tu kërkojë ndjesë qytetarëve. Të shikoj për një projekt që nuk prishen shtëpitë e qytetarëve. Nëse kryeministri do vijojë me kokëfortësi, kjo do të jetë përgjigjja që do marrë.
Largimi i Edi Ramës është kthyer në interes kombëtar. Ndaj unë sot do u kërkoja të gjithëve që të shikojnë se ky është një projekt korruptiv, dhe se deputet të mazhorancës janë kërcënuar nga bandat në pushtet. Prandaj duhet që të të largojmë Edi Ramën, dhe të shkojë aty ku e ka vendin, në burg”.
