Skandaloze/Shteti nuk i siguron as uniformën, Luiza Gega: Ata janë të varfër, unë jo

Viti 2018. Atletja më e mirë shqiptare Luiza Gega e blen vetë uniformën dhe i stampon flamurin.  Ky nuk është kulmi, por është fundi i atletikes.

Luiza Gega do të përfaqësojë për herë të katërt Shqipërinë në Kampionatin Botëror të sallave të mbyllura. Atletja shqiptare u shpall para disa ditëve kampion Ballkani në 3000 metra, duke arritur kohën më të shpejtë 9 minutë e 6 sekonda.

Ajo është duke u përgatitur për Botërorin që do të zhvillohet në Birmingam, por zhgënjimi për të është i madh, për shkakun se ajo nuk ka mbështetjen as të shtetit dhe as të Federatës së peshëngritjes. Luiza i ka siguruar vetë të gjithë uniformat sportive, teksa nuk ngurron që të ironizojë institucionet që duhet t bënin këtë gjë.

“Përfaqësoj për herë të katërt Shqipërinë në Kampionatin Botëror të Sallave të mbyllura. Sigurisht sepse jam e vetmja që kap standardin e IAAF, jo sepse më duan më shumë dhe prandaj shkoj. Uniformën e bleva vetë, vijat e kuqe i ngjyrosa vetë, dhe i shtova dhe flamurin e bukur. Edhe pse shteti është i varfër, unë s’jam. Shkoj i blejë vetë uniformat, i vendos një ALBANIA të bukur dhe nuk ndihem fare ndryshe në krahasim me shtetet e tjera sepse nuk jam ndryshe, ndryshe janë këto tipat që ju keni lënë drejtimin”, shkruan Luiza Gega.