Pas rënies nga Kategoria Superiore, një tjetër ‘goditje’ e rëndë për emrin e Vllaznisë është edhe postimi i fundit që klubi ka bërë në faqen zyrtare të tij në “Facebook”. KF Vllaznia sh.a, ka shpallur dy vende të lira pune, për postin e Drejtorit Sportiv dhe Trajnerit.
Kjo situatë është tejet qesharake, pasi në pamje të parë të duket si ndër ato faqe ku aplikohet për punë dhe secili mund të aplikojë me vullnet të plotë.
Në rastin e një ekipi kaq legjendar si klubi shkodran, natyrisht që një njoftim i tillë është cilësuar ‘turp’ nga tifozët, që nuk i kanë përmbajtur dot reagimet e tyre.
NJOFTIM
KF Vllaznia sh.a, duke parë interesin e lartë dhe për të ofruar mundësi të barabarta, fton të gjithë të interesuarit për pozicionet:
1. Drejtor Sportiv
2. Trajner i ekipit Vllaznia, të dorëzojnë një Curriculum Vitae dhe një platformë pune në adresën e-mail: [email protected] ose dorazi pranë zyrës së Klubit në ambjentet e Bashkisë Shkodër. Afati për dorëzimin e materialeve të kërkuara është dita e premte, datë 27.07.2018, ora 12.00.
Tifozët, pasi e kanë parë këtë njoftim kaq qesharak, kanë shpërthyer me komentet e tyre tallëse.
