Gazetari shqiptar në Athinë, Shpëtim Zinxhiria, në një lidhje me skype për “Arena” në “Ora News”, tha se prej 3 vitesh, shqiptarët në Athinë kërkojnë 500 abetare. Si për ironi të fatit, shteti shqiptar nuk ka bërë lëvizjen më të vogël. Ai ka thënë më tej se Ambasada gjatë 20 viteve ka mbledhur ndaj emigrantëve 120 milionë euro. Por siç duket, nuk është në gjendje të sjellë 500 abetare që bëjnë 1500 euro.
“Ka 3 vjet që mësuesit këtu kërkojnë 500 abetare. Dhe shteti shqiptar nuk është në gjendje t’i sjellë. Edhe sot, viti i tretë, shteti shqiptar nuk është në gjendje të sjellë 500 abetare. Ambasada gjatë 20 viteve ka mbledhur ndaj emigrantëve 120 milionë euro, dhe nuk është në gjendje të sjellë 500 abetare që bëjnë 1500 euro.
Ne nuk kemi shtet. Të shkosh në Ambasadë, duhet të bësh një kërkesë me shkrim, dhe thotë sekretarja ku e ke numrin e protokollit. E kupton? Tallen me ne!”.
