Mark Zuckerberg ka vendosur të dëshmojë përpara Kongresit në lidhje me përfshirjen e kompanisë së tij në skandalin e të dhënave. Burime nga Facebook-u kanë konfirmuar lajmin për televizionin CNN. Ky televizion shkruan se drejtori ekzekutiv, 33-vjeç, ka marrë parasysh faktin se ai do të duhet të dëshmojë përpara Kongresit brenda disa javësh dhe Facebook po planifikon strategjinë për dëshmitë e tij.
Kërkesat nga ligjvënësit amerikanë, mediat dhe publiku kanë bërë presion intensiv, ndërsa pritet drejtuesi ekzekutiv i “Facebook” për të dëshmuar në Kongresin amerikan. Burimet e Facebook besojnë se gatishmëria e Zuckerberg për të dëshmuar do të ushtrojë presion mbi CEO-t të Googlit, Sundar Pichai dhe CEO-s së Tëitterit, Jack Dorsey, për të bërë të njëjtën gjë.
Senati i ka ftuar zyrtarisht të tre CEO-t që të dëshmojnë rreth privatësisë në datë 10 prill. Facebook po përballet me një krizë besimi që kur u zbulua se Cambridge Analytica, një firmë të dhënave që ka lidhje me fushatën zgjedhore të presidentit Donald Trump-së 2016, e cila përdori rreth 50 milionë adresa pa dijeninë e përdoruesve
Facebook tani përballet me një përpjekje të jashtëzakonshme për të rikthyer besimin publik në angazhimin e saj ndaj privatësisë dhe mbrojtjes së të dhënave, thanë burimet për CNN.
Skandali gjithashtu thekson një problem që është ndërtuar në ADN-në e kompanisë: Biznesi i saj është shfrytëzimi i të dhënave. Facebook bën para, ndër të tjera, duke mbledhur të dhënat e përdoruesit dhe duke e ndarë atë me zhvilluesit e aplikacioneve dhe reklamuesit TIRANA TODAY
