Betonizimi i Tiranës duket se do të mbulojë çdo pjesë të gjelbër dhe hapësirë publike. Skandalin e radhës të lejeve të ndërtimit nga Bashkia Tiranë, e ka publikuar deputetja e PD-së me anë të një postimi në “Facebook”. Ajo ka publikuar dokumente ku vërteton se bashkia ka bërë një shkelje të madhe me fushën sportive të Laprakës, pasi i është dhënë leje ndërtimi Shoqërisë “Salillari” për të filluar punimet.
Deputetja i ka nisur edhe një letër kryetarit të bashkisë, Erjon Veliajt, për të dhënë një sqarim mbi këtë çështje. Pasi bazuar në Ligjin Nr.79, “Për Sportin”, miratuar më Datë 27.4.2017, Neni 34, thuhet se: “Destinacioni i objekteve sportive nuk mund të ndryshojë, pavarësisht pronësia, subjekti administrues apo dhënie me koncesion. Hajdari ka kërkuar sqarim për natyrën e kësaj ndërtese publike nga kryetari i bashkisë brenda afatit të përcaktuar me ligj, ndryshe në të kundërt do të ndjekë rrugët ligjore.
Fusha e Laprakës
Bazuar mbi shqetësimi e drejtë te banorëve të Njësisë 11 mbi ndërtimi e një pallati mbi fushën e sportit, Laprakë, me detyrimin që kam për ti përfaqësuar ata sa më mirë dhe të drejtën që me jep ligji po i drejtohem Bashkisë së Tiranës me ketë kërkesë në lidhje me ketë çështje.
Ky shqetësim është i bazuar edhe mbi dokumente të siguruara në Z.R.P.P Tiranë. Në këto dokumente tregohet qartë që për këtë pasuri është lidhur një kontrate sipërmarrje me Shoqërinë “Salillari” SH.P.K., për ndërtim mbi këtë truall me nr. dok. 15427 dhe kontratë sipërmarrje nr. 3050/651, datë 23/10/2017.
Me ndërtimin e këtij pallati do të kemi të bëjmë jo vetëm me një akt që e dëmton këtë komunitet por edhe me një shkelje të rëndë ligjore. Do të qëndroj në kontakt me ju për këtë dhe çështje të tjera të interesit qytetar.
