Kreu i ARRSH, Afrim Qendro është paraqitur sot në Prokurorinë e Tiranës. Paraqitja vjen pas zbulimit të skandalit që fshihej pas kompanisë që do ndërtonte lotin e parë të Unzës së Re, ‘DH Albania’. Kjo e fundit kishte falsifikuar dokumentet.
Mësohet se Qendro do të pyetet për tenderin e ‘Unazës së Re’ në cilësinë e personit që ka dijeni, teksa pritet të japë shpjegime në lidhje me tenderin e lotit të parë. Prokuroria ka nisur një hetim tashmë, pasi dyshohet se janë falsifikuar dokumentet e kompanisë fituese.
Pas zbulimit të skandalit me firmën e falsifikuar, ARRSH pezulloi ndërtimin në lotin e parë tek Unaza e Re.
Afrim Qendro është një nga emrat më të lakuar nga ana e opozitës, e cila ka kërkuar prej kohësh nisjen e hetimeve për kreun e ARRSH-së.
