Kryeministri Edi Rama ka dhënë detaje të reja sa i përket njërës nga kompanitë që ka fituar tenderin për një prej segmenteve të unazës së madhe në Tiranë. Kompania DH Albania u akuzua dhe u faktua se kishte falsifikuar dokumentet sikur funksionon si degë e një kompanie të regjistruar në shtetin Delaware në Shtetet e Bashkuara.
I ftuar në “Opinion” Rama është shprehur se në momentin që ky skandal është publikuar në media, i ka kërkuar informacion Ambasadës Amerikan për kompaninë DH Albania.
“Sapo skandali doli në media ne iu drejtuam Ambasadës Amerikane në Tiranë, pra shtetit amerikan që të na vërtetonte autorësinë e kësaj kompanie. Kemi bllokuar 2 milionë euro të firmës DH Albania dhe do të shkojnë për subensionimin e familjeve që iu prishen shtëpitë nga projektet publike,” u shpreh Rama.
