Skandal/Douglas Costa: Nëse fitonim ndeshjen, ishim të vdekur

Mesfushori brazilian i Juventusit, Douglas Costa, është rikthyer të flasë për kohën kur luante në Brazil dhe ishte pjesë e Gremios. Ai ka zbuluar një skandal të madh që ndodhte në kampionatin brazilian, ku ekipet detyroheshin të humbitnin. Një gjë e tille ka ndodhur në përballjen mes Gremio dhe Flamengo, ku në raste se skuadra e tij fitonte shpalleshe kampion Internacional, gjë që vuri në lëvizje drejtuesit, duke shkuar deri tek kërcënimet me vdekje.

“Ishin në rezultatin 1-1 në fund të pjesës së parë. para fillimit të pjesës së dytë erdhi lajmi se Internacional do të bëhej kampioni i ri i Brasilerao. Duhej të luaja për të mos fituar. Nëse do të kishim mundur Flamengon, sot do të isha i vdekur”, rrëfen Douglas Costa për televizionin “Pilhado”.

“Në fund, ndeshja përfundoi 2-1 për Flamengo dhe të gjithë ishin të lumtur. Na u urdhërua që ta humbisnim atë takim. Është normale që drejtuesit të zbresin në dhomat e zhveshjes, sidomos para një ndeshje të rëndësishme. Flamengo po duelonte për titullin, stadiumi “Maracana” ishte plot. Na thanë që të bënim atë që dëshironim, që përgjegjësia ishte e jona. Nëse do ta fitonim takimin, nuk do të largoheshim dot të gjallë nga ai qytet. Do të kishte qenë një njollë në historinë e Gremio, që t’i jepte titullin Internacional. Nëse do ta fitonim atë ndeshje, do të ishim të vdekur”, tha mesfushori bardhezi.